«SÁDÝAQAS QAJY ǴYLMANI» MEShITINDE AQSAQALDARDYŃ BATA BERÝ SAIYSY ÓTTI (FOTO)

QMDB Astana qalasy ókildigi «Sádýaqas qajy Ǵylmanı» meshitiniń uıymdastyrýymen II Respýblıkalyq bata saıysyna irikteý ótip, jeńimpazdar anyqtaldy.

Is-sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov, «Sádýaqas qajy Ǵylmanı» meshitiniń bas ımamy Rýslan Baızaqov jáne aqsaqaldar qaýymy qatysty.

Qazylar alqasynda «Áziret Sultan» meshitiniń naıb ımamy Abdýlahad Smanov, «Sheıh Kýnta qajy» meshitiniń bas ımamy Ómirzaq qajy Qazkenuly, QR ǴJBM Memleket tarıhy ınstıtýtynyń tarıh jáne qoǵamdyq ǵylymdar akademııasynyń akademıgi, tarıh ǵylymdarynyń doktory Maqsat Alpysbesuly tórelik etti.

Saıysta kónekóz qarttarymyz asyl sózden marjan terip, bata berýdiń san túrli úlgisin kórsetti. Árbir qatysýshy óziniń erekshe stıli men maqamy boıynsha kózge túsip, qazylar alqasynyń sheshimi boıynsha II Respýblıkalyq bata saıysynda «Áljan ana» meshitiniń jamaǵaty, batagóı aqsaqal Ótegen Aıshýaqov Astana qalasy ókildiginiń namysyn qorǵaıtyn boldy.
  
Saıysta basqa da júldeli oryn alǵan  jeńimpazdar tizimi tómendegideı:

I oryn – Kópjasarov Manarbek («Kóktal» meshiti)
II oryn – Myrzataı Shaısultanuly («Áziret Sultan» meshiti)
III oryn – Halı Hýanysh («Ás-Sálam» meshiti)

Источник: Aidos