Reseı múftıi QMDB tóraǵasynyń úndeýin qoldaýǵa shaqyrdy

Reseı musylmandarynyń dinı jetekshisi, múftı Sheıh Ravıl Gaınýtdın Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń musylman álemine jasaǵan úndeýine qoldaý bildirdi. Bul týraly Reseı múftıler keńesiniń muslim.ru saıty habarlady.

Ravıl Gaınýtdın «Duǵa – musylmannyń qorǵany» degen Paıǵambar (oǵan Allanyń salaýaty men sálemi bolsyn) hadısin alǵa tarta kelip, Bas múftıdiń barsha musylman qaýymyn 10 sáýir kúni bir mezette alaqan jaıyp, duǵa jasaý týraly úndeýin zor yqylaspen qabyl alǵanyn jetkizdi.

Sondaı-aq Reseı musylmandaryn Qazaqstannyń bas múftıiniń bastamasyn qoldaýǵa shaqyrdy. Ol 27 naýryz kúni búkilreseılik musylmandar bolyp, Alladan Óziniń panasyna alyp, qorǵaýyn duǵa etkenin aıta kelip, munyń nátıjesi bolatynyn alǵa tartty.

«Biz, Reseı musylmandary, qazaqstandyq baýyrlarymyzdy qoldaımyz. Sol úshin 10 sáýir, juma kúni namaz kezinde bárimiz bir mezette alaqan jaıyp, duǵa jasap, Jaratýshy Alladan meıirim-pana tileımiz. «Biz – birgemiz, tilegimiz – ortaq» ıgi bastamasyn qoldaımyz» dep atap ótti Ravıl Gaınýtdın.