RANT MÚShESI ASTANA QALASYNA IS-SAPARMEN KELDI (FOTO)

Astana qalasyna arnaıy is-saparmen kelgen Almaty qalasyndaǵy «Amanqul ata» meshitiniń bas ımamy, «Kóktóbe» qarılar daıyndaý ortalyǵynyń dırektory, RANT múshesi Serikhan Ahmadıev ókildikke qarasty qala meshitteriniń jamaǵatymen júzdesip, ártúrli mekemelerde úgit-nasıhat jasady.

Atap aıtsaq, Astana qalasy ókildiginiń uıymdastyrýymen ótken dinı aǵartý jumystary barysynda RANT múshesinde «Sádýaqas qajy Ǵylmanı» meshitinde «Salaýat aıtýdyń mańyzdylyǵy» taqyrybynda, «Raısa Ana» meshitinde «Táýbeniń mańyzdylyǵy», «Yryskeldi qajy» meshitinde «Yntymaq jáne aýyzbirshilik», «Áljan Ana» meshitinde «Máýlit aıynyń mańyzdylyǵy» taqyryptarynda ýaǵyz-nasıhat jasady.

Sondaı-aq, Astana qalasy Din isteri basqarmasynyń uıymdastyrýymen ótken kezdesý jıynyna jáne meshit jamaǵatymen ótken ártúrli rýhanı kezdesýlerge qatysty. Jalpy ótken kezdesýler barysynda 2 300 adam qamtyldy.

Источник: Aidos