RAMAZANDA JAMAǴATQA QYZMET KÓRSETKEN MEShIT ShÁKIRTTERI MARAPATTALDY (FOTO)

Qasıetti Ramazan aıynda «Áziret Sultan» meshitinde jamaǵatqa qyzmet kórsetken belsendi shákirtter toby marapattaldy.

Saýapqa toly aıda taraýyq namazynda tártipti qadaǵalap, aýyzashar uıymdastyrýǵa kómektesken, meshit aýmaǵynda tazalyq pen tártipke úles qosqan jas shákirtterge meshit ujymy atynan alǵys hattar men syı-sııapattar tabystaldy.

Marapattaý rásiminde «Áziret Sultan» meshitiniń naıb ımamy Jumanazar Sadyrhanov pen ustaz Shalqar Joldy shákirtterge júrekjardy alǵysyn bildirip, jas býyndy din men rýhanııat jolynda belsendi bolýǵa shaqyrdy.

Shara sońynda shákirtter de óz áserlerimen bólisip, osyndaı ıgi isterdiń qatarynan tabylǵandaryna shúkirshilik etti.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos