RAMAZAN-2025: «ÁZIRET SULTAN» MEShITINDE ALǴAShQY TARAÝIH NAMAZY OQYLDY (FOTO)

Isi musylman qaýymy asyǵa kútken qasıetti Ramazan aıy bastaldy. Berekeli aıda Alla razylyǵyn úmit etken jamaǵat qulshylyq ordalaryna jınalyp, taraýıh namazdary da oqyla bastady. Saýaby mol múbárak aıdy múmkindiginshe paıdaly ótkizýdi kózdegen elimizdiń barlyq meshitteri bul kúnge erte bastan daıyndalyp, jan-jaqty qamdanǵan edi. Jamaǵat ta qasıetti aıdy erekshe yqylaspen qarsy alyp, kesh túse meshitterge qaraı aǵyla bastady.

Astana qalasyndaǵy «Áziret Sultan» meshitinde jamaǵattyń osyndaı ystyq yqylasy aıryqsha baıqaldy. Quptan namazynyń azany shaqyrylmaı jatyp-aq, meshit ishi lyq tolyp, jamaǵat bir-birin Ramazannyń kelýimen quttyqtap, jyly lebizderin bildirdi. Quptan namazynan keıin Astana qalasynyń jáne «Áziret Sultan» meshitiniń bas ımamy Erbolat Júsipov Ramazan aıynyń qadir-qasıeti jaıynda taǵylymdy ýaǵyz aıtyp, taraýıh namazyn júrgizetin qarılardy jamaǵatqa tanystyrdy. Jamaǵat arasyndaǵy aqsaqaldar qarılarǵa batasyn berip, sáttilik tiledi. Artynsha kópshilik taraýıh namazyn oqyp, duǵa-tilekterin jasady.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos