«Qurban aıtta qýandyr» jobasy bastaldy (FOTO)
Búgin, qasıetti Qurban aıt merekesine oraı respýblıkalyq «Áziret Sultan» meshitinde «Qurban aıtta qýandyr» jobasy bastaý aldy. Ulyq meıram qurmetine oraı meshit qyzmetkerleri aıt namazyna jıylǵan jamaǵatqa merekelik kóńil-kúı syılaý maqsatynda gúl shoqtary men quttyqtaý tilegi jazylǵan arnaıy shar taratty.
Bul shara, ásirese, qulshylyq ordasyna ata-anasymen ere kelgen búldirshinderge erekshe áser etti. «Qurban aıt qutty bolsyn!» degen jazýy bar túrli tústi sharlar shynymen de olarǵa búgin mereke ekenin sezindirip, qulshylyq ordasynan qýanyp qaıtýlaryna septigin tıgizdi.
«Áziret Sultan» meshitiniń birinshi naıb ımamy Qanat Qydyrmınniń bastamasymen júzege asqan bul shara besin namazynan soń Astana qalasyndaǵy «Onkologııa ortalyǵynda» jalǵasyn tabatyn bolmaq. Denesin dert meńdep, kóńilderin ýaıym basqan naýqas jandardyń kóńilin kóterip, mereke shýaǵyn sezindirý maqsatynda meshit qyzmetkerleri ortalyqty arnaıy zııarat etip qaıtpaq.
Condaı-aq, «Qurban aıtta qýandyr» jobasynyń kezekti bir baǵyty – Astana qalasyndaǵy Balalar úıiniń tárbıelenýshileri bolmaq. Taǵdyr aýyrtpashylyǵyna erte ushyraǵan búldirshindergi bul kúni merekelik syılyq retinde táttiler toltyrylǵan qoraptar tartý etiledi.
