Qoıandy aýylynda jańa ımam

Búginde Astananyń irgesindegi eldi mekender kúrt ósip, turǵyndar sany da kóbeıe túsýde. Mundaǵy ımanı nasıhat ta jandana túsken jaıy bar. Jaqynda Bas múftıdiń buıryǵymen Qoıandy aýyldyq meshitine jańa ımam taǵaıyndaldy.
Aqmola oblysynyń bas ımamy Qýanysh Sábıt qasıetti juma kúni jergilikti jamaǵatpen kezdesip, olarǵa jańa ımamdy tanystyrdy. Bul qyzmetke taǵaıyndalǵan Aqjan Dildahanov ,,Nur Múbárák,, ıslam ýnıversıtetiniń bıylǵy jylǵy túlegi. Ol bul oqý ornynyń aldynda ,,Ábý Hanıfa,, medresesin bitirgen edi. Joǵary bilimdi maman halqy kóp irgeli aýylda dinı qyzmetti atqaratyn bolady.
Al, osy ýaqytqa deıin atalǵan aýyl meshitinde ımamdyq etken Jánibek Zamanbekke jergilikti jamaǵat ıyǵyna shapan jaýyp, astyna at mingizdi. Oblys ımamy Qýanysh Sábıt eldiń atynan zor rızashylyq bildire kelip, Naıb múftı Baýyrjan Esmahannyń Alǵys hatyn tabys etti.
Jańa ımamdyq qyzmetke taǵaıyndalǵan Aqjan Dildahanovtyń ıyǵyna da shapan jaýyp, jańa qadamy jaqsylyqtan bastalsyn degen tilekterin joldady.