QOǴAMDYQ QAÝIPSIZDIK PEN ZAŃDYLYQTY QAMTAMASYZ ETÝ BOIYNShA JIYN ÓTTI (FOTO)
«Áziret Sultan» meshitiniń bas ımamy Erbolat Júsipovtiń basshylyǵymen elorda ımamdaryna «Qoǵamdyq qaýipsizdik pen zańdylyqty qamtamasyz etý: sybaılas jemqorlyq jáne Ekstremızmmen kúres aıasyndaǵy yntymaqtastyq» taqyrybynda dóńgelek ústel otyrysy ótti.
Atalmysh basqosýǵa Astana qalasynyń Sybaılas jemqorlyqqa qarsy is-qımyl departamentiniń preventsııa basqarmasynyń aǵa ofıtseri Maqsut Nurbolat Baqytjanuly, Astana qalasynyń polıtsııa depatramenti Ekstremızmmen kúres basqarmasynyń jedel ýákil kapıtany Seıtenov Jandos Qalıollauly, Astana qalasy Tótenshe jaǵdaılar departamentiniń aǵa ınjeneri azamattyq qorǵaý aǵa leıtenanty Polatov Erbaǵlan Erkinuly jáne Astana qalasynyń din qyzmetkerleri qatysty.
Sharanyń maqsaty — meshit qyzmetkerleriniń qaýipsizdik sharalary men zań talaptaryn bilý deńgeıin arttyrý, jamaǵatpen jumys isteý barysynda týyndaýy múmkin oqıǵalardyń aldyn alý.
Jıyn barysynda quqyq qorǵaý organdarynyń ókilderi men bilikti mamandar qaýipsizdik erejeleri, qoǵamdyq tártipti saqtaý, tótenshe jaǵdaılarda áreket etý algorıtmderi jáne de sybaılas jemqorlyqpen kúres jáne onyń aldyn alý mehanızmderi, Ekstremıstik ıdeologııanyń taralýyna qarsy turý joldaryn túsindirdi.
Otyrys sońynda atalǵan baǵyttar boıynsha yntymaqtastyqty nyǵaıtýǵa arnalǵan usynystar talqylanyp, el amandyǵy men tynyshtyǵy úshin duǵa jasaldy.
Sýretterdi tolyǵyraq «FOTOGALEREIa» aıdarynan kóre alasyz!
Источник: Aidos
