QAJYLYQ-2023: AVIAKOMPANIIaLAR ARASYNDA KONKÝRS QORYTYNDYLANDY

2023 jyly qajylyq maýsymynda qazaqstandyq qajylardy tasymaldaıtyn áýe kompanııalaryn tańdaý maqsatynda konkýrs uıymdastyrylǵan bolatyn.

Jyl basynda QMDB Tóraǵasy, Bas múftı Naýryzbaı qajy Taǵanulynyń Saýd Arabııasy Koroldigine sapary barysynda Qajylyq jáne umra mınıstrimen kezdesip, qajylyq baǵasynyń ósýine jol bermeý maqsatynda birqatar kezdesýler ótkizgen edi. Atap aıtqanda, áýe tasymalynyń baǵasyn tómendetý boıynsha naqty sharalar qabyldaý boıynsha talap, tilekterin jetkizdi. Nátıjesinde qajylyq maýsymynda áýe tasymalyn atqaratyn sheteldik jáne otandyq áýe kompanııalardy tańdaý múmkindigine qol jetkizilgen bolatyn. Jarııalanǵan konkýrs boıynsha qorytyndy jıynǵa bıylǵy jyly qajylyq oryndaryna ıe bolǵan otandyq 18 týroperator basshylary arasynan tájirıbeli degen 4 týroperator daýys berý arqyly tańdalyp, komıssııa quramyna engizildi.

Komıssııa músheleri konkýrsqa qatysýǵa ótinish bildirgen Kýveıttiń «Jazeera», Birikken Arab Ámirliginiń «Air Arabia», sondaı-aq Saýd Arabııasynyń «Flynas» jáne túrkııalyq «Turkish Airlines » áýe kompanııalary ókilderimen kezdesip, áýe tasymalynyń qajylar úshin tıimdi baǵasy men sapaly qyzmetin tańdaǵansha kelissózderdi jalǵastyrýǵa ýaǵdalasty.

Osy oraıda SAK Qajylyq jáne umra mınıstrligi tarapynan eń tıimdi áýe kompanııalaryn tańdaý boıynsha qandaı da bir shekteýler joq ekenin eske sala ketken jón. Al jaqyn kúnderi arnaıy qurylǵan komıssııa músheleri qajylar tasymaly úshin tıimdi baǵany usynǵan áýe kompanııasy tańdaıdy dep kútilýde.

​