Qazaqstandyq qajylar Mına jazyǵyna tolyq jaıǵasty (FOTO)

Mekke qalasyna paryzyn óteýge kelgen 3200 qajy qasıetti shahardyń irgesindegi Mına jazyǵyna tolyqtaı ornalasty.

Qazaqstan Qajylyq mıssııa quramyndaǵy Ýaǵyz-nasıhat toby otandastarymyzǵa qajylyq ədepteri men duǵa jasaýdyń mańyzdylyǵy jaıly ýaǵyz aıtty. Sonymen qatar Arafa kúniniń məni men mańyzyn uǵyndyryp, duǵa tileý tártibin túsindirdi.

Qajylyq mıssııasynyń ókilderi shatyrlardy aralap, qajylardyń jaǵdaıymen tanysýdy bastap ketti. Naıb múftı, Qajylyq mıssııasynyń tóraǵasy Alaý Shaıqymuly, QMDB Apparat basshysy Ǵylymbek Jádigeruly, Ýaǵyz-nasıhat tobynyń jetekshisi Altynbek Utyshanuly men Sharıǵat jáne pátýa bóliminiń mamany Medet Qursaqov, QMDB Qajylyq bóliminiń basshysy Jandilla Bekjigitov bastaǵan top Arafa kúniniń artyqshylyǵy jaıly ýaǵyz aıtyp, eldiń ıgiligi men birligi úshin duǵa jasady.

Uzaq jerden kelgen jerlesterdiń densaýlyǵyn dárigerlerimiz jiti baqylaýda. Ár fırmaǵa bólingen dárigerden bólek, mıssııa quramyndaǵy bilikti mamandar el azamattaryna alǵashqy medıtsınalyq kómek kórsetńp jatyr.

Eske salaıyq, aldaǵy birneshe kún boıy qajylarymyz Mına jazyǵynda bolady.