«QAZAQ QOǴAMYNDAǴY ÁIEL MÁRTEBESI» ATTY RÝHANI KESh ÓTTI (FOTO)
Búgin QMDB Astana qalasy ókildigi Áıel-qyzdar sektoryna qarasty «Raqymqyzy Raısa ana» meshitiniń uıytqy bolýymen «Qazaq qoǵamyndaǵy áıel mártebesi» atty rýhanı kesh bolyp ótti. Ataýly sharaǵa Elorda meshitteriniń ustazdary, shákirtteri men erikti jamaǵat qatysty.
Taǵylymǵa toly rýhanı keshti «Raqymqyzy Raısa ana» meshitiniń ustazy, qarı Abjanov Abdýalı Allanyń kálamy Quranmen ashyp berdi. Quran aıattary oqylyp bolǵannnan keıin sóz alǵan meshit naıb ımamy Haırıddınov Ońǵar Islam dininde áıeldiń mańyzdy oryn alatynyn aıtyp, qonaqtarǵa aq lebizin bildirdi.
Búgingi keshtiń ereksheligi — kelýshi qonaqtartardyń barlyǵy aldyn ala eskertilgendeı ulttyq naqyshtaǵy kıimder kıip kelgen. Apalar men qyzdardyń ulttyq kıim kııýi búgingi aıtylǵan taqyryppen úndesip, keshti kórkeıte tústi.
Sharaǵa arnaıy shaqyrylǵan spıkerler sóz alyp, jıylǵan qaýymǵa din, dástúr, qazaqy tárbıe, tektilik pen oramal haqynda ónegege toly nasıhat aıtty. Atap aıtqanda, QMDB Áıel-qyzdar sektorynyń basshysy Dınara Qutqojaqyzy, Áıel-qyzdar sektory Astana ókildiginiń tóraıymy Zarına Shamıdýllaqyzy, sondaı-aq, Elorda ustazdary Aıgúl Kóksegen men Qarlyǵash Qajymáliqyzy jınalǵan jamaǵatqa tyń aqparattar aıtyp, rýhanı sýsyndatty.
Shara barysynda ánnen shashý shashylyp, ulttyq kıimdi nasıhattaýda (tańdap kııýde) úzdik dep tanylǵan qonaqtar ortaǵa shaqyrylyp, qoshemet kórsetildi. Arnaıy shaqyrylǵan ustazdardyń barlyǵyna uıymdastyrýshylar tarapynan oramal men qoıyn dápterleri syılanyp, sııapat jasaldy.
Kesh sońynda osyndaı úlgi alarlyq kórkem sharanyń ótýine uıytqy bolǵan «Raqymqyzy Raısa ana» meshitiniń ustazy Baqyt Tóleýqyzy kelgen qonaqtarǵa alǵysyn bildirip, aldaǵy ýaqytta da din men dástúrimizdi qosa nasıhattaıtyn, áıel jamaǵatyna arnalǵan sharalar uıymdastyrylyp turatynyn atap ótti.
Источник: Aidos
