Qazaq-ózbek baýyrlastyq baılanysy bekıdi (FOTO)

Elordada Qazaqstan musylmandary dinı basqarmasynyń tóraǵasy Serikbaı qajy Oraz Ózbekstan Respýblıkasynyń múftıi Ýsmonhan Alımov bastaǵan delegatsııany qabyldady.

Ekijaqty kezdesýde baýyrlastyq elderdiń rýhanııat salasyndaǵy baýyrlastyq baılanysy sóz boldy. Óz kezeginde Ózbekstan múftıi Ýsmonhan Alımov Elordada ótken «Rýhanı Jibek joly. Islam jáne jastar: qazirgi zaman syn-qaterleri» atty IV Halyqaralyq ǵylymı-dinı konferentsııasy jaıly jyly pikirin bildirip, halyqaralyq shara joǵary deńgeıde uıymdastyrylǵanyn atap ótti. Sonymen qatar, «Rýhanı Jibek joly» konferentsııasynyń kezekti tsıklyn Ózbekstanda ótkizý týraly usynysyn jetkizip, Serikbaı qajy Orazdy osy ıgi sharanyń mártebeli meımany bolýǵa shaqyrdy.

Baýyrlas elderdiń múftıleri Qazaqstan men Ózbekstan musylmandary dinı basqarmalary arasynda qabyldanǵan ózara yntymaqtastyq týraly memorandým aıasynda júzege asyp jatqan jobalar jaıly áńgimelesti.

Basqosý sońynda Ýsmonhan Alımov Serikbaı Satybaldyulyn, múftııat ujymyn jańa ǵımaratqa qonys aýdarýymen quttyqtap, izgi tilegi men nıetin jetkizdi.