Qasıetti juma «Qaıyrymdylyq jármeńkesimen» árlendi (FOTO)

Kúnderdiń sultany bolǵan qasıetti jumada respýblıkalyq «Áziret Sultan» meshitiniń Áıel-qyzdar sektorynyń uıymdastyrýymen «Qaıyrymdylyq jármeńkesi» ótti. Meshittiń áıel shákirtteri men ustazdarynyń qolynan shyqqan túrli táttiler men taǵamdar juma namazyna jıylǵan jamaǵatqa usynylyp, qaıyrymdylyq saýdasyn qyzdyra tústi.

Sondaı-aq, jármeńke sórelerinen túrli dinı áshekeı zattar men ádebı-rýhanı kitaptar, musylman áıeline arnalǵan kıimder de oryn taýyp, keregin tapqan kelýshilerdiń rızashylyǵyn týdyrdy.

Aıta keteıik, qaıyrymdylyq jármeńkesi ár apta saıyn juma kúnderi turaqty túrde uıymdastyrylyp keledi. Túsken qarajat qaıyrymdylyq sharalaryna jumsalady.

Sýretterdi «FOTOGALEREIa» aıdarynan kóre alasyzdar!