QARILARǴA QURMET KÓRSETILDI (FOTO)

Quranda «Myń aıdan da qaıyrly tún» dep ulyqtalǵan Qadir túninde Elordadaǵy «Áziret Sultan» meshitinde Quran Hatym aıaqtalyp, Bas múftı Naýryzbaı qajy Taǵanulynyń qatysýymen duǵa jasalǵan bolatyn. Myńdaǵan jamaǵat qol jaıyp, Allaǵa duǵa etken saýapty sátten soń Ramazan boıy taraýıh namazdarynda ımamdyqqa shyǵyp, jamaǵatty áýezdi únimen Quran sózine sýsyndatqan qarılarymyzǵa qurmet kórsetildi.

Aıta keteıik, bıyl meshitimizdegi taraýıh namazdaryn ótkizýge Respýblıkalyq Quran baıqaýynyń jas jeńimpazdary Qýanysh Nurlanuly, Imanáli Beıbituly jáne Dýlat Bolatbekuly shaqyrylǵan bolatyn. Allanyń sózin jattaǵan  jas qarılarǵa Astana qalasynyń bas ımamy Erbolat Nuryldauly jamaǵat atynan rızashylyq bildirip, alǵys hatpen marapattady. Kópshiliktiń ystyq yqylasyna bólengen qarılarymyzǵa qazaqy dástúrge saı shapan jabylyp, aqsaqaldyń aq batasy berildi.

Источник: Aidos