Qalalyq máslıhat depýtattary meshittiń jaǵdaıymen tanysty (FOTO)

Elorda tórindegi «Sheıh Kýnta qajy» meshitine Nur-Sultan qalalyq máslıhatynyń depýtattary arnaıy bas suǵyp, qulshylyq ordasynyń jaı-kúıimen tanysyp qaıtty.

«Jergilikti atqarýshy organnyń Etnosaralyq jáne konfessııaaralyq kelisim salasyndaǵy Nur-Sultan qalasynyń qoǵamdyq-saıası turaqtylyǵyn nyǵaıtýǵa jáne azamattyq qoǵam ınstıtýttaryn damytýǵa baǵyttalǵan ishki memlekettik saıasatty iske asyrý jónindegi jumysy týraly» máslıhatynyń kezekti sessııasyna daıyndyq sheńberinde «Sheıh Kýnta qajy» meshitine 30-ǵa jýyq depýtat kelip, meshit ujymymen kezdesý ótkizdi.

Qurmetti qonaqtardy meshit bas ımamy Ibragım Smataev ózi kútip alyp, meshit tirshiligin baıandap berdi. Sondaı-aq, qalalyq máslıhat depýtattaryna QMDB shyǵaratyn «Iman» jýrnaly men «Munara» gazetin, basqa da rýhanı kitaptar tartý etildi.