QALA BAS IMAMY QR MEMLEKETTIK RÁMIZDER KÚNINE ORAI ÓTKEN «ALQA» RADIOSYNYŃ AShYLÝ SALTANATYNA QATYSTY (FOTO)

4 maýsym – Qazaqstan Respýblıkasynyń Rámizderi kúni elordada rýhanı-tanymdyq «ALQA» radıosynyń saltanatty ashylý rásimi ótti.

Saltanatty jıynǵa Astana qalasynyń ókili, «Áziret Sultan» meshitiniń bas ımamy Erbolat Júsipov arnaıy qatysyp, jasalyp otyrǵan ıgi bastamaǵa sáttilik tiledi.

Qazaqstan Respýblıkasynyń Memlekettik Rámizderi kúnine oraılastyrylǵan saltanatty sharada «ALQA» radıosynyń tusaýyn Memlekettik Eltańbanyń avtory Jandarbek Málibekuly, Qazaqstannyń eńbek sińirgen ártisi Nurlan Ónerbaı, alashtanýshy ǵalym Aıgúl Ismaqova kesti.

Astana qalasy Dinderdi zertteý ortalyǵynda ótken sharaǵa máslıhat depýtaty Qanat Estek, Din isteri jónindegi basqarma basshysy Qaırolla Kóshqalı, belgili teleradıo dıktory Zeıin Álipbek, Qazaqstan Jazýshylar odaǵy Astana qalalyq fılıalynyń dırektory Dáýletkereı Kápuly, L.Gýmılev atyndaǵy EUÝ Ǵylymı ortalyǵynyń basshysy Jabaı Qalıev, teatr jáne kıno akteri Ádil Ahmetov, qolóner sheberleri Ashat Bozymbaı men Gaýhar Qanatbaeva jáne BAQ ókilderi qatysty.

Aıta ketsek, «Alqa» radıosy Astana qalasy ákimdiginiń qoldaýy men Din isteri jónindegi basqarma basshylyǵynyń uıytqy bolýy negizinde ashylyp otyr. «ALQA» radıosynyń negizgi maqsaty – Qazaqstannyń zaıyrly memleket ekenin, memleket qurýshy qazaq halqynyń tól dúnıetanymy men turmys-saltyn, salt-dástúrin shynaıy túrde nasıhattaý, otandyq jáne sheteldik radıotyńdarmandarǵa Qazaq elin beıbitsúıgish memleket retinde tanytý, el azamattary men elorda turǵyndaryn izgilik pen ımandylyqqa shaqyrý, qazaqtyń baı mýzykalyq murasy arqyly ultymyzdyń rýhanı keńistigin sapaly dúnıelermen qamtý. «ALQA» ınternet radıosy óziniń rýhanı-aǵartýshylyq baǵyttaǵy habarlaryn tikeleı Efır jáne taspa túrinde, aýdıo jáne kásibı vıdeo túsirilimder arqyly taratady.

Источник: Aidos