QALA BAS IMAMY «ÁL-FATTAH» MEShITINIŃ TYNYS-TIRShILIGIMEN TANYSTY (FOTO)

Qasıetti Ramazan aıyna baılanysty QMDB Astana qalasynyń bas ımamy Erbolat Nuryldauly Elordadaǵy qulshylyq ordalaryn arnaıy aralap, tynys-tirshiligimen tikeleı tanysýdy bastaǵan bolatyn. Bas ımamnyń qasıetti aıdyń sońǵy kúnindegi sapary birneshe aı buryn ǵana esigin aıqara ashqan  «Ál-Fattah» meshitinde jalǵasty.

Besin namazyna jıylǵan jamaǵatpen júzdesip, qulshylyq ordasynyń jaı-kúıimen jaqynyraq tanysqan bas ımam kelesi Ramazan aıyna aman-esen jetýimizdi tiledi.

Meshittiń bas ımamy Baǵdat Abdýkarımov qala bas ımamyna Ramazan aıynda jasalǵan jumystar jaıynda esep berip, oraza aıt meıramyna qatysty josparyn baıandady.

Syıymdylyǵy 500 adamdyq jańa meshitte Ramazan boıy 90 adamǵa turaqty túrde aýyzashar berildi. Sondaı-aq, túnrli qaıyrymydyq sharalary ótti. Máselen, áleýmettik az qamtylǵan 5 otbasyna 2,5 mıllıon teńge kóleminde kómek berildi.