Qadir túni jaıly rýhanı kesh ótti

Sadýaqas qajy Ǵylmanı meshitiniń áıel jamaǵatynan qurylǵan «Analar mektebi» men Raqymqyzy Raısa ana meshiti áıel jamaǵatynan quralǵan «Raqymqyzy Raısa ana kelinshekter mektebi» birige otyryp «Qadir túniniń qasıetti» atty rýhanı aýyzashar keshin ótkizildi.

Keshke Astana qalasyndaǵy barlyq meshittiń áıel jamaǵaty, ustazdar men shákirtter qaýymy qatysty.

Keshti Astana qalasy boıynsha áıel-qyzdar sektorynyń meńgerýshisi Býharbaeva Elmıra Ustaz ashyp berdi. E.Býharbaeva jamaǵatty alda kele jatqan Qadir túnimen quttyqtaı otyryp, qasıetti keshti ǵapyldyqpen ótkizip almaýǵa shaqyrdy.

Astana qyzdar medresesiniń meńgerýshisi Madıeva Botagóz ustaz Qadir túniniń qasıeti, atalmysh keshtiń dinimizdegi oryny, bul túnniń adam balasynyń rýhanııatyna áseri jaıynda tushymdy ýaǵyz aıtty.

Rýhanı keshte vıktorınalyq oıyndar oınatylyp, Qadir tún jaıly qoıylym kórsetildi.

Kesh sońynda barsha jamaǵatqa syılyq taratyldy.

Источник: Aidos