QADIR TÚNI: QARI MEN JAMAǴAT ARASYNDA AShYQ SUHBAT ÓTTI (FOTO)

Myń aıdan da qaıyrly Qadir túni baǵdarlamasy aıasynda «Áziret Sultan» meshitinde ısi musylman úshin rýhanı is-sharalar tań namazyna deıin jalǵasty.  

Ramazan aıy boıy taraýyq namazyn júrgizgen qarılardyń biri Musabek Erkinbek pen jamaǵat arasynda ashyq suhbat órbidi. Salmaqty suraqtaryn qoıyp, dıalogty órbitken «Áziret Sultan» meshitiniń ustazy Ersaıyn Sákenov jamaǵatty qyzyqtyrǵan saýaldardy joldap, Quran oqý, Allanyń kálamyn úırenýdiń qyr-syryn alǵa tartty.

Bul ıgi is-shara jamaǵattyń rýhanı baılanysyn arttyryp, qasıetti túnniń berekesin sezinýge múmkindik berdi. Qadir túninde meshitte jınalǵan aǵaıyn ózara baýyrmaldyq tanytyp, bir-birine izgi tilekterin arnady. Sáresi dastarqany basynda aqsaqaldar men jamaǵat bata jasap, elimizge amandyq, jurtymyzǵa tynyshtyq tiledi.

Sýretterdi tolyǵyraq «FOTOGALEREIa» aıdarynan kóre alasyzdar!