QADIR TÚNI: «ÁZIRET SULTAN» MEShITINDE QARILAR MARAPATTALDY (FOTO)

Myń aıdan da qaıyrly Qadir túni baǵdarlamasy aıasynda «Áziret Sultan» meshitinde Ramazan aıynda taraýyq namazyn ótkizip, kópshilikti Quran nárimen sýsyndatqan qarılar jamaǵat alǵysyna bólendi.

Astana qalasynyń jáne «Áziret Sultan» meshitiniń bas ımamy Erbolat Júsipov qarılardy marapattap, alǵysyn bildirdi. Qazaqy dástúrmen ıyqtaryna shapan jaýyp, saýapty amaldary úshin Alladan mol bereket tiledi. Jamaǵat arasyndaǵy kónekóz qarııalar men aq saqaldy abyzdar batasyn berip, qarılar kóptiń ystyq yqylasyna bólendi.

Aıta ketsek, qasıetti túnniń qurmetine «Áziret Sultan» meshiti jamaǵat úshin arnaıy baǵdarlama ázirlegen. Quran hatym duǵasy baǵyshtalyp, qarılar marapattalyp, arnaıy vıktorınalyq oıyn ótkizilip, áýezdi Quran oqylyp, qarılarmen suhbat júrgizý josparlanǵan. Tań namazy ýaqyty jaqyndaǵanda meshitke kelgen jamaǵatqa sáresi taratylady.

Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aidos