QADIR TÚNI: «ÁZIRET SULTAN» MEShITINDE 5000 ADAMǴA SÁRESI TARATYLDY (FOTO)

Myń aıdan da qaıyrly Qadir túni baǵdarlamasy aıasynda «Áziret Sultan» meshitinde ısi musylman úshin rýhanı is-sharalar tań namazyna deıin jalǵasty.  

Meshitimizde ótken rýhanı is-sharada Qadir túniniń qasıeti men hıkmetine qatysty túrli taqyryp tóńireginde áserli ýaǵyz-nasıhattar aıtyldy. Quran hatym duǵasy baǵyshtalyp, qarılar marapattalyp, arnaıy vıktorınalyq oıyn ótkizilip, áýezdi Quran oqyldy. 

Tań namazynyń ýaqyty jaqyndaı bere qasıetti túndi Allanyń úıinde ótkizgen 5000 jamaǵatqa sáresi taratyldy.

Bul ıgi is-shara jamaǵattyń rýhanı baılanysyn arttyryp, qasıetti túnniń berekesin sezinýge múmkindik berdi. Qadir túninde meshitte jınalǵan aǵaıyn ózara baýyrmaldyq tanytyp, bir-birine izgi tilekterin arnady. Sáresi dastarqany basynda aqsaqaldar men jamaǵat bata jasap, elimizge amandyq, jurtymyzǵa tynyshtyq tiledi.

Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aidos