PAIǴAMBAR (s.ǵ.s.) ÓMIRBAIaNY JÁNE SALAÝAT JARYSTARYNYŃ JEŃIMPAZDARY MARAPATTALDY (FOTO)

Búgin Astana qalasyndaǵy Qazaqstan musylmandary dinı basqarmasynyń Bas ǵımaratynda Paıǵambarymyz (s.ǵ.s.) ómirbaıany jáne Salaýat jarystarynyń jeńimpazdaryn marapattaý rásimi ótti. Astana qalasy ókildigi Áıel-qyzdar sektorynyń Máýlit aıynyń qurmetine oraı Elorda meshitteriniń áıel jamaǵaty arasynda uıymdastyrǵan qos jarystyń júldegerlerine syı-sııapat tabystalyp, basqa qatysýshylarǵa da qýanysh syılaǵan rýhanı shara boldy.

Rýhanı kesh aıasynda kórermenderge Paıǵambarymyzdyń (s.ǵ.s.) ónegeli ómirinen syr shertetin vıdeorolıkter qoıylyp, júldeger qatysýshylar óz ónerlerin pash etti. Sondaı-aq, QMDB Áıel-qyzdar sektorynyń meńgerýshisi Dınara Qutqojaqyzy da izgi tilegin bildirip, áıel jamaǵatyna nasıhat aıtty. Shara barysynda Áıel-qyzdar sektorynyń Astana, Almaty, Pavlodar ókildikterindegi jaýapty ustazdar da tushymdy baıandamalar jasady.

Aıtýly sharaǵa Astana qalasynyń bas ımamy Erbolat Júsipov pen Din isteri jónindegi basqarma basshysynyń mindetin atqarýshy Baýyrjan Dıhanbaevtar arnaıy qatysyp, saıys júldegerlerin Máýlit merekesimen quttyqtady. Din qyzmetkerleriniń Elorda rýhanııatyna ólsheýsiz úles qosyp kele jatqanyn tilge tıek etken Basqarma basshysy búgingi sharanyń da orny aıryqsha ekenin atap ótti.

 

Источник: Aidos