«PÁTÝA SAǴATYNDA» QARJY MÁSELESI TALQYLANDY (FOTO)

QMDB Astana ókildigine qarasty meshitterde ár juma saıyn «Pátýa saǵaty» ótkizilip keledi. Juma namazynan keıingi kezekti ýaǵyzda QMDB ǵulamalar keńesinde qabyldanǵan pátýalar negizinde qarjy máselelerine qatysty úkimder jamaǵatqa tanystyryldy.

Atap aıtqanda, «Áziret Sultan» meshitinde, «Ábý Nasyr ál-Farabı» meshiti, «Ál-Fattah», «Ás-Sálám», «Ál-Ǵanı», «AQMESHIT» jáne «Raqymqyzy Raısa ana» meshitterinde atalǵan taqyryp boıynsha pátýa saǵaty ótip, jamaǵattyń saýaldaryna jaýap berildi. Meshit ımamdary aldymen, sharıǵatqa saı kásippen aınalysý týraly ýaǵyz-nasıhatyn aıtty. Sondaı-aq, jalpy sharıǵı máseleler boıynsha, ásirese, saýdadaǵy alys-beriske qatysty qoıylǵan suraqtarǵa jaýap berip, jamaǵatqa tyń aqparattar jetkizdi.