Ózbekstannyń Bas prokýrory «Áziret Sultan» meshitin zııarat etti (FOTO)

Búgin, qasıetti juma kúni respýblıkalyq «Áziret Sultan» meshitine Ózbekstannyń Bas prokýrory Nıgmatılla Iýldoshev arnaıy kelip, qulshylyq ordasyn zııarat etip qaıtty. El astanasyna resmı issaparmen kelgen qurmetti qonaqty Nur-Sultan qalasynyń prokýrory Baýyrjan Myrzakerov ózi ertip kelip, el maqtanyshyna aınalǵan «Áziret Sultan» meshitiniń tynys-tirshiligin birge tamashalady.

Qurmetti qonaqtardy «Áziret Sultan» meshitiniń naıb ımamy Baqytjan Ótkelbaev qarsy alyp, qulshylyq ordasynyń qazirgi ýaqyttaǵy jaǵdaıymen tanystyrdy. Sondaı-aq, eldegi pandemııalyq jaǵdaıǵa baılanysty meshittegi qaýipsizdik jáne saqtyq-tazalyq sharalary, dinı saýat kýrstarynyń onlaın júrgizilýi sekildi tyń jobalar jaıly aıtyp ótti. Ózbekstan prokýrory qazaq meshitterindegi onlaın sadaqa berý júıesine erekshe qyzyǵýshylyq tanytyp, tańdanysyn bildirdi.

Sýretterdi «FOTOGALEREIa» aıdarynan kóre alasyzdar!