Óskemende dintanýshylar men teologtar forýmy ótti (FOTO)
QMDB-nyń Óskemen aımaǵy ókildigimen Shyǵys Qazaqstan oblystyq Din isteri basqarmasy «Din máselelerin zertteý ortalyǵynyń» uıymdastyrýymen «Halıfa Altaı» meshitinde «Dinı radıkalızmnen ońaltýdyń jáne qaıta beıimdeýdiń teorııalyq jáne tájirıbelik aspektileri» atty dintanýshylar men teologtardyń respýblıkalyq forýmy bolyp ótti.
Bul is-sharaǵa Shyǵys Qazaqstan oblysy boıynsha qala, aýdan ákimdikteriniń din salasy boıynsha jaýapty qyzmetkerleri, QAJD ınspektor psıhologtary, din salasynyń mamandary men dintanýshylar, teologtar jınaldy.
Forým jumysyna Shyǵys Qazaqstan oblystyq «Halıfa Altaı» meshitiniń birinshi naıb ımamy Dáýlet Qabıdoldın, Shyǵys Qazaqstan oblystyq Din isteri basqarmasy basshysynyń orynbasary A.Isabaev, «Din máselelerin zertteý ortalyǵynyń» dırektory E.Qydyrmollaev, Ekstremızmniń aldyna alý salasyndaǵy mamandardy qaıta daıarlaý ınstıtýtynyń dırektory A. Sabdın, E.Gýmılev atyndaǵy Eýrazııalyq Ulttyq ýnıversıtetiniń dotsenti T.Jaqııanov qatarly bilikti mamandar qatysty.
Jıynda Shyǵys Qazaqstan oblystyq «Halıfa Altaı» meshitiniń birinshi naıb ımamy Dáýlet Qabıdoldın óńirdegi dinı ahýal jaıly baıandap, «Jat aǵymdarmen kúresti dáıekti júrgizý maqsatynda ókildikten memlekettik mekemelermen birlesken sharalar josparlap, iske asyryp kelemiz. Osyǵan deıin jat aǵymnyń aldyn alý boıynsha uıymdastyrǵan ártúrli kezdesýlerimiz búgingi tańda óz nátıjesin berip otyr» deı kele, búgingi tańdaǵy jat aǵymmen kúreste ımamdardyń tarapynan atqaryp jatqan isterge toqtalyp,óz oıyn ortaǵa saldy.
Ekstremızmniń aldyna alý salasyndaǵy mamandardy qaıta daıarlaý ınstıtýtynyń dırektory A.Sabdın óz sózinde Ekstremızmniń aldyn alý, jáne ońaltý baǵytyndaǵy is-sharalardy atqarýdyń tájiıbelik jáne teorııalyq qyry men qarsy turý joldary týraly jan-jaqty taldaý jasady.
Forýmǵa qatysýshy dintanýshylar men teologtar búgingi jıynnyń bul saladaǵy tájirıbe men teorııany ushtastyrýda úshin asa mańyzdy shara bolǵandyǵyn jetkizdi.
