ORAZA AIT-2025: «ÁZIRET SULTAN» MEShITINDE ULTTYQ SPORT TÚRLERINEN SAIYS ÓTTI (FOTO)

30 naýryz 2025 347 0
Оqý rejımi

«Áziret Sultan» meshitinde Oraza aıt namazynan keıin ulttyq oıyndardan saıys ótti. Jamaǵat arqan tartys, qoshqar kóterý, bórene kóterý, qol kúres, asyq atý syndy ulttyq oıyndarda óz ónerlerin kórsetip, baqtaryn synady.

Jarysqa qatysýshylar kúsh pen eptilikterin synap, jeńiske degen jiger tanytty. Ásirese, qoshqar kóterý men bórene kóterý saıystary kópshiliktiń qyzyǵýshylyǵyn oıatty. Jas jigitter qaısarlyq pen tózimdilik tanytsa, arqan tartysta komandalyq rýh pen birliktiń mańyzy aıqyn kórindi.

Merekelik sharanyń ajaryn ashý úshin meshit mańynda kıiz úıler tigilip, kelgen jamaǵatqa arnaıy dastarhan jaıyldy. Ulttyq taǵamdar qoıylyp, aıttyń qurmetine qonaqtarǵa baýyrsaq, qymyz, shubat jáne naýryz kóje usynyldy. Jamaǵat bir-birimen aqjarma tilekterin aıtyp, meıramnyń berekesin sezindi.

Saıys sońynda jeńimpazdar men júldegerlerge arnaıy syılyqtar tabystalyp, meshit ujymy barlyq qatysýshylarǵa alǵysyn bildirdi. Ulttyq dástúrdi dáriptegen bul shara jamaǵattyń rýhanı ári mádenı baılanysyn nyǵaıtyp, merekelik kóńil-kúı syılady.

Источник: Aidos

Pіkіrler Kіrý