Ońtústik Afrıka meshitteri azan daýsyn báseńdetýge májbúr

Ońtústik Afrıka respýblıkasyndaǵy meshitter birinen soń biri azan daýsyn báseńdetýge májbúr bolyp otyr. Buǵan deıin OAR Soty Dýrban qalasyndaǵy meshit janynda turatyn azamat shaǵymyn qanaǵattandyryp, azan daýsyn azaıtýǵa úkim kesken bolatyn. Indýızm dinin ustanatyn azamat óz shaǵymynda azan daýsy «jekemenshik quqyqtaryn tolyqqandy túrde paıdalanýǵa kedergi keltiretinin» jazǵan. Sot sheshimi boıynsha, azan daýsy kórshi úıge estilmeıtindeı dárejege tómendetilgen.

Dál osyndaı shekteý úkimi Tsvan aımaǵyndaǵy «Rasýl Djamaat» meshitine de shyǵarylyp otyr. Qulshylyq ordasyna Tsvan aımaǵynyń Densaýlyq saqtaý departamenti hat joldap, qulshylyq ordasynyń «radıo, televızor, mýzykalyq aspap, daýys zoraıtqysh júıelerin» paıdalaný quqyǵy joqtyǵyn eskertken.

Atalmysh shekteýlerge jergilikti musylman jamaǵaty men din basshylary narazylyq tanytqanymen, sot sheshimine sáıkes azan daýsyn azaıtýǵa májbúr bolǵan.