Elorda sanıtarlyq talaptardy túsindirý maqsatynda dinı birlestiktermen baılanys jónindegi keńestiń otyrysy ótti. Jıyn barysynda koronavırýstyq pandemııaǵa baılanysty engizilgen sanıtarlyq normalar men shekteý sharalary túsindirildi, dep habarlaıdy elorda ákimdiginiń resmı saıty.
Jıyn elordalyq Din isteri basqarmasynyń basshysy Nurdáýlet Álmuhanovtyń tóraǵalyǵymen ótti. Ol «Ashyq» jobasy aıasynda dinı birlestikter nysandarynyń jumysyn uıymdastyrý qajettigi týraly aıtty.
Keńes otyrysyna dinı birlestikterdiń jetekshileri, úkimettik emes uıymdar qatysty.
Óz kezeginde Nur-Sultan qalasy Sanıtarlyq-Epıdemıologııalyq baqylaý departamentiniń basshysy Sarhat Beısenova qatysýshylarǵa elordadaǵy pandemııa kezinde shekteý jáne karantındik sharalardy saqtaý tártibin túsindirdi.
Is-shara sońynda memlekettik organdar men keńes múshelerine qaýipsizdik sharalaryn «ASHYQ» qosymshasy arqyly saqtap, dinı ǵımarattardyń jumysyn uıymdastyrý tapsyryldy.
