Nur-Sultan ókildiginiń dinı qyzmetkerlerine marapat tabystaldy (FOTO)

Búgin, qasıetti juma kúni Nur-Sultan qalasy ımamdarynyń jyldyq jınalysy ótti. Jyl sońyn qorytyndylaǵan alqaly jıynda shahar bas ımamy Erbolat Júsipov bıylǵy jyly atqarylǵan is-sharalarǵa qysqasha toqtalyp, jemisti qyzmet atqarǵan ımamdarǵa arnaıy marapat tabystady.

Atap aıtqanda, Qazaqstan musylmandary dinı basqarmasynyń jeti jumys baǵyty boıynsha nátıjeli qyzmet atqarǵan meshit bas ımamdary men jaýapty qyzmetkerlerge qala ákimi Altaı Kólginovtiń jáne Bas múftı Naýryzbaı qajy Taǵanulynyń «Alǵys haty» tabystaldy. Qala bas ımamy Erbolat Júsipov jınalysqa qatysqan barsha áriptesterine izgi tilegin bildirip, din jolynda jemisti eńbek atqara berýge shaqyrdy.

Aıta keteıik, Nur-Sultan qalasy ókildigi jumysy bıylǵy Tóralqa májilisinde joǵary baǵalanyp, úzdik kórsetkishke jetken bolatyn.

Sýretterdi «FOTOGALEREIa» aıdarynan kóre alasyzdar!