Nur-Sultan ókildigi atynan «Analar úıine» syı jasaldy (FOTO)

QMDB Nur-Sultan qalasy ókildigi jáne Polıtsııa departamentiniń birlese uıymdastyrýymen mereke qarsańynda Elordadaǵy «Analar úıine» zııarat jasalyp, túrli syı-sııapattar tabystaldy.

Igi sharaǵa Polıtsııa departamentiniń Áıelderdi zorlyq-zombylyqtan qorǵaý bólinisiniń aǵa ınspektory, polıtsııa podpolkovnıgi Gúlmıra Tileýǵalıqyzy Shrahmetova men QMDB «Zeket» qorynyń elorda fılıalynyń jaýapty qyzmetkeri Mereı Jaqııa qatysyp, quttyqtaý lebizderin bildirip qaıtty.

Shara aıasynda «Analar úıindegi» qyz-kelinshekterge arnaıy gúl shoqtary men tátti taǵamdar tartý etilip, rýhanı qoldaý lebizderi aıtyldy.