Nur-Sultan ókildigi 1500 otbasyǵa «Ramazan syılyǵyn» taratty (FOTO)

QMDB Nur-Sultan qalasy ókildigi qasıetti Ramazan aıynyń qurmetine oraı «Ramazan syılyǵy» atty qaıyrymdylyq sharasyn ótkizdi. «YDA» holdınginiń demeýshiligimen júzege asqan shara aıasynda Elolrdamyzdaǵy 1500 muqtaj otbasyǵa azyq-túlik sómkeleri taratyldy. QMDB «Zeket jáne qaıyrymdylyq» qorynyń Nur-Sultan fılıaly qyzmetkerleriniń qatysýymen qaıyrymdylyq sómkelerin mekenjaılarǵa taratý jumystary da júrgizilip, «Ramazan syılyǵy» úılerine jetkizildi.

Qaıyrymdylyq sharasynyń ashylý saltanatyna Nur-Sultan qalasynyń bas ımamy Erbolat Júsipov, «YDA» holdınginiń ókili Adem Karagóz jáne «Zeket jáne qaıyrymdylyq» qorynyń Elorda fılıalynyń qyzmetkerleri qatysyp, izgi tilekterin bildirdi. Bas ımam Erbolat Nuryldauly Ramazan aıynyń qadir-qasıeti jaıly aıta kele búgingi qaıyrymdylyq sharasyna qatysýshylarǵa óz alǵysyn bildirdi. Jamaǵatpen birge qol jaıyp, jaqsylyq surap duǵa jasady. 

Bas meshitten bastaý alǵan «Ramazan syılyǵyn» taratý jumystaryna basqa meshitter de atsalysyp, qaıyrymdylyq shara qala boıynsha júrgizilmek.

Sýretterdi «FOTOGALEREIa» aıdarynan kóre alasyzdar!