«Nur Astana» meshiti 200 oqýshyny mektepke daıyndady (VIDEO+FOTO)

Búgin «Nur Astana» meshitinde «Mektepke jol» qaıyrymdylyq aktsııasy ótti.

Jyldaǵy úrdis boıynsha meshit qyzmetkerleriniń atsalysýymen, meıirimdi jandardyń demeýimen 200 balaǵa mektep sómkesi men oqý quraldary taratyldy. Sondaı-aq, ár balaǵa5000 teńgeden qarjylaı kómek berildi.

Sharaǵa QMDB-nyń tóraǵa orynbasary, I naıb múftı, QMDB-nyń Nur-Sultan qalasy boıynsha ókili  Naýryzbaı qajy Taǵanuly, «Nur Astana» meshitiniń Bas ımamy Asqar Ábitaıuly, respýblıkalyq «Áziret Sultan» meshitiniń birinshi naıb ımamy Marat Bektazınov arnaıy qatysty. Sóz alǵan birinshi naıb múftı Naýryzbaı qajy Taǵanuly búldirshinderdi jańa oqý jylymen quttyqtap, bilim saparlaryna sáttilik tiledi.

Sonymen birge, is-sharanyń mán-mańyzyna toqtalyp: «Qazaqstan musylmandary dinı basqarmasynyń uıymdastyrýymenen jyl saıyn dástúrli túrde «Mektepke jol» qaıyrymdylyq aktsııasy ótedi. Meshit ımamdary men jamaǵatynyń atsalysýynda búldirshinderdiń alańsyz bilim alýyna qoldaý jasaý, aǵaıynǵa az da bolsa kómek qolymyzdy sozyp, qoǵamnyń júgin jeńildetý maqsatynda osyndaı syılyq jasalyp keledi. Búgin, mine, kezekti sharaǵa kýá bolyp otyrmyz. Osyndaı is-sharaǵa uıytqy bolǵan meshit ujymyna, qoldaý bildirgen azamattarǵa, osynda kelgen ata-analar qaýymyna rızashylyǵymyzdy bildiremiz», - dedi.

Atalmysh aktsııaǵa ata-analar qaýymy dán rızashylyqtaryn bildirdi. Osylaısha, meshitimizdiń uıytqy bolýymen qalamyzdaǵy kóp balaly jáne turmysy tómen otbasylardan shyqqan mektep jasyndaǵy balalarǵa bas-aıaǵy 2 mıllıon teńgeniń kómegi kórsetildi.