NAÝRYZBAI QAJY TAǴANULY RAMAZAN AIYNA ORAI KÁSIPKERLERGE ÚNDEÝ JASADY (FOTO)
Búgin Qazaqstan musylmandary dinı basqarmasynda Ramazan aıyna oraı BAQ ókilderiniń qatysýymen ótken baspasóz máslıhatynda Bas múftı Naýryzbaı qajy Taǵanuly kásipkerlerge arnaıy úndeý jasady.
«Qadirli otandastar! Barshańyzdy Qazaqstan musylmandary dinı basqarmasynyń qasıetti aıda uıymdastyratyn qaıyrymdylyq is-sharalaryna úles qosýǵa shaqyramyn. Kásipkerlerdi áleýmettik mańyzy bar azyq-túlikterdiń baǵasyna jeńildik jasaýǵa úndeımin. Ramazan aıyna týra kelgen qudaıy astardy aýyzashar ýaqytynda ótkizip, kóbirek saýap alýǵa tyrysaıyq.
Qoǵamdyq tamaqtaný oryndarynda aýyzashar mázirin halyqqa yńǵaıly baǵamen usyný da – saýapty istiń biri. Bul aıda tek tabysqa kenelýge emes, eń bastysy Haqtyń razylyǵy men halyqtyń alǵysyn alýǵa asyqqan abzal. Dúkenderde kúlli jamandyqtyń bastaýy bolǵan araq-sharap satylmasa degen tilegimizdi jetkizemiz» dedi Bas múftı.
Aıta keteıik, bıyl Ramazan aıy 1 naýryzda bastalady. Al naýryz aıynyń 26-nan 27-ne qaraǵan tún – qasıetti Qadir túni. 30 naýryz – oraza aıt merekesi. Qasıetti aıda beriletin pitir sadaqasy 655 teńge bolyp bekitildi.
