Naýryzbaı qajy Taǵanuly dúngen ultynyń otbasyna kóńil aıtty (FOTO)

Jambyl oblysyna arnaıy kelgen QMDB tóraǵasy, Bas múftı Naýryzbaı qajy Taǵanuly Qordaı aýdany, Sortóbe eldimekeninde qaıtys bolǵan Ramazan Harsanovtyń úıine arnaıy bardy. Áli de abyr-sabyr kúı keship otyrǵan áýletke basý aıtyp, sabyrǵa shaqyrdy.

«Musylmannyń  musylman aldyndaǵy  mindetteri biri – baýyryna meıirimdi bolý. Alla Elshisi (oǵan Allanyń salaýaty men sálemi bolsyn): «Múminder bir-birine súıispenshilik, meıirimdilik jáne janashyrlyq tanytýda birtutas dene tárizdi. Adamnyń bir jeri aýyrsa, uıqysy qashyp, ystyǵy kóterilip, búkil denesi aýyrǵan jeriniń muńyna ortaqtasady» degen. Mine, biz de soǵan saı amal etýimiz kerek»  dedi Bas múftı qara jamylǵan otbasyǵa kóńil aıta baryp.

Sondaı-aq Naýryzbaı qajy Taǵanuly osy saparynda Sortóbe eldimekeninde turatyn dúngen ultynyń ókilderimen de kezdesip, birlik, tatýlyq týrasynda ýaǵyz aıtty.