NAÝRYZBAI QAJY TAǴANULY AQTAÝDA RESPÝBLIKALYQ KONFERENTsIIaǴA QATYSTY
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Aqtaý qalasynda «Qazaq dalasyndaǵy otbasy ınstıtýty» taqyrybynda ótken respýblıkalyq konferentsııaǵa qatysty.
Sonymen qatar ıgi basqosýǵa belgili qalamger Jabal Erǵalıuly, dinimiz ben dástúrimizdiń janashyry Bekjan Turys, memleket jáne qoǵam qaıratkeri Orazkúl Asanǵazyqyzy, el aǵalary, zııaly qaýym ókilderi, din qyzmetkerleri qatysty.
«Erli-zaıyptylar – birin-biri psıhologııalyq ári bıologııalyq turǵydan tolyqtyra túsetin jandar. Bul – Allanyń adamǵa jasaǵan meıirimi. Buǵan Qurandaǵy myna aıat dálel: «Senderdi bir adamnan jaratqan da, ári kóńili jaı tabýy úshin oǵan jubaı syılaǵan da Alla» («Aǵraf» súresi, 189-aıat).
Biz eshqashan ózgeniń tanym-túsinigimen ómir súre almaımyz. Ustanatyn dinimiz ben arqa súıer saltymyz, kúndelikti ómirde daǵdymyzǵa aınalǵan ǵurpymyz bar. Qazaqstan musylmandary dinı basqarmasy 2024 jyldy «Islam jáne dástúr qundylyǵy» jyly dep jarııalady. Igi bastama aıasynda qazaq dalasyndaǵy otbasy ınstıtýtyn dáripteýge basa nazar aýdarylyp keledi. Igi jumystardyń nátıjesinde oblystyq meshitter janynan otbasylyq keńes berý ortalyqtary ashyldy. Din qyzmetkerleri bir jyl ishinde júzdegen otbasynyń aq nekesin saqtap qalýǵa yqpal etti. Alla Taǵala barsha otbasyǵa birlik pen bereke, tatýlyq pen súıispenshilik násip etkeı. Ámın!» dedi Bas múftı Naýryzbaı qajy Taǵanuly.
Konferentsııaǵa qatysqan zııaly qaýym ókilderi otbasy qundylyǵyn arttyrý jaıly baıandama jasady.
