Naýryzbaı qajy Taǵanuly ál-Azhar sheıhymen suhbattasty (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasyna jasaǵan resmı sapary kezinde áıgili ál-Azhar ýnıversıtetiniń sheıhy, Bas ımam Ahmet Taıyppen kezdesti.

Kezdesýde eki eldiń san ǵasyrlar boıy jalǵasyp kele jatqan rýhanı-tarıhı baılanysyn nyǵaıtýdyń mańyzdylyǵy sóz boldy.

Basqosýda Naýryzbaı qajy Taǵanuly: «Ózińiz bilesiz, Qazaqstan men Mysyr arasynda rýhanı, tarıhı, mádenı baılanystar ǵasyrdan ǵasyrǵa jalǵasyp keledi. Baýyrlastyq baılanystyń nátıjesinde Qazaqstanda Nur-Múbárak Egıpet Islam mádenıeti ýnıversıteti salyndy. Sizdiń qoldaýyńyzben Qazaqstanǵa barǵan mysyrlyq ustazdar stýdentterimizge dáris berip, oqý-aǵartý salasyndaǵy jumystarymyzǵa úlken úles qosýda. Sizge Qazaqstan musylmandary atynan taǵy da aıryqsha alǵysymdy jetkizemin. Alla razy bolsyn!» – dedi.

Óz kezeginde Ahmet Taıyp ál-Azhar ýnıversıteti Qazaqstan musylmandary dinı basqarmasyna qoldaý kórsete beretinin jetkizdi.

Kezdesý sońynda Bas múftı ál-Azhar sheıhyn «Qazaqstan musylmandary dinı basqarmasyna 30 jyl» merekelik medalymen marapattap, arnaıy alǵys hatyn tabystady.

​