Naıb múftı túrkııa din isteri basqarmasynan kelgen komıssııany qabyldady
Astana qalasyndaǵy Qazaqstan musylmandary dinı basqarmasy ǵımaratynda naıb múftı Alaý Ádilbaev Túrkııa Respýblıkasynyń Qazaqstandaǵy elshiliginiń Din máseleleri jónindegi keńesshisi Galıp Akyn, Túrkııa Respýblıkasy Din isteri basqarmasynyń bilim jáne ǵylym salasyna qarasty bóliminiń basshysy Abdýllah Gúmúshsoı, sonymen qatar Túrkııa respýblıkasy Din isteri basqarmasynyń jalpy bilim jáne ǵylym bóliminiń aǵa qyzmetkeri Mahmýt Shahındi qabyldady.
Naıb múftı Alaý Ádilbaev aldymen QMDB tóraǵasy, Bas mýftı Serikbaı Oraz hazirettiń sálemin jetkizip, Túrkııa Respýblıkasy Din isteri basqarmasynyń elimizdegi din kadrlaryn daıyndaýǵa úles qosyp otyrǵandyqtary úshin alǵys aıtty. Kezdesý barysynda aldaǵy ýaqytta Hasekı oqý ornyna qabyldanatyn oqýshylarǵa qandaı talaptar koıylatyndyǵy jóninde áńgime qozǵaldy. Kelgen qonaqtar Túrkııa elinde Hasekı akademııasynyń qyzmetiniń mańyzdylyǵyn ataı kele, Qazaqstanda da QMDB uıymdastyrýymen osyndaı ortalyq ashylǵan jaǵdaıda tájirıbeli ustazdar jiberý, tıisti oqý baǵdarlamalaryn jasaý jáne metodıkalyq keńes berý arqyly jan-jaqty kómek kórsetýge daıyn ekendikterin erekshe atap ótti.
Qazaqstan musylmandary dinı basqarmasynyń shaqyrtýymen kelgen joǵaryda atalǵan komıssııa músheleri 27 maýsym kúni Túrkııa elindegi Hasekı oqý ornyna qujat tapsyrǵan 32 úmitkerden emtıhan alady. Emtıhan suhbat túrinde ótedi jáne úmitkerlerdiń dinı bilimi, til bilý saýattylyǵy jáne jalpy bilim deńgeıi anyqtalady. Jalpy álem boıynsha 50 úmitker tańdalyp alynady, onyń ishinde Qyrǵyzstan, Aýǵanstannan, Makedonııa, Bolgarııa jáne t.b. elderden qujat tapsyrǵandar bar. Úmitkerlerdiń ishinen eń joǵary nátıje kórsetkender ǵana tańdalyp alynady. Jalpy bul akademııada oqýǵa nıet bildirgenderediń qatary tek bizdiń elimizde ǵana emes, basqa elderde de óte joǵary.
Kezdesý sońynda Naıb múftı Alaý Ádilbaev Túrkııa Din isteri basqarmasynan kelgen komıssııa músheleriniń jumystaryna tabys tilep, Bas múftı Serikbaı qajy hazirettiń atynan qonaqtarǵa kishigirim syı-syıapat tabys etti.
