NAIB MÚFTI TAǴAIYNDALDY (FOTO)

10 aqpan 2025 537 0 Оqý rejımi

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly múftııat qyzmetkerlerine ótkizgen arnaıy jınalysynda naıb múftı qyzmetine taǵaıyndalǵan Ermek Muqataıdy tanystyrdy.

«Ózderińizge belgili, jyl basyndaǵy Baǵdarlyq baıandamamda birqatar aýqymdy jobalardy júzege asyrýdy tapsyryp, Tóralqa májilisinde bıylǵa kóptegen ıgi isterdi josparlaǵan bolatynbyz. Osy rette, jumystarymyzdy odan ári jetildirip, damyta túsý maqsatynda QMDB Tóraǵa orynbasary, naıb múftı laýazymyna Shyǵys Qazaqstan oblysynyń bas ımamy Ermek Qasbolatuly Muqataı myrzany taǵaıyndaý týraly sheshimge qol qoıdym. Dinı salada mol tájirıbesi bar Ermek Qasbolatuly aldaǵy ýaqytta múftııattyń ıgi isterine súbeli úles qosady degen senimdemin» dedi Bas múftı.

Aıta keteıik, Ermek Muqataı buǵan deıin Almaty jáne Astana qalasynyń meshitterinde, sondaı-aq 2015 jyldan beri Shyǵys Qazaqstan oblysynyń jáne «Halıfa Altaı» ortalyq meshitiniń bas ımamy qyzmetin atqardy.