Naıb múftı «Shymkent» medrese-kolledjiniń tynys-tirshiligimen tanysty (FOTO)

Shyraıly Shymkent qalasyna resmı saparmen kelgen naıb múftı Alaý qajy Shaıqymuly jáne Nur-Múbárak Egıpet Islam mádenıeti ýnıversıtetiniń rektory bastaǵan delegatsııa «Shymkent» medrese-kolledjiniń tynys-tirshiligimen tanysyp, medrese ustazdary men shákirtterimen kezdesti.

Kezdesýge Nur-Múbárak ýnıversıetiniń prorektory, ıslamtanýshy, PhD doktory Qaırat Qurmanbaev, apparat jetekshisi Rahymjan Ákimbekov, Shymkent qalasynyń ókil ımamy Baqtybaı Beısenbaev, Qyzylorda oblysynyń ókil ımamy Bolatbek Ulasqanuly t.b. qatysty.

Kezdesý aıasynda professor, doktor Mýhammad ash-Shahhat ál-Jındı  medrese-kolledjdiń bir top shákirtterine bilim alýdyń artyqshylyǵy men sahabalardyń ónegeli ómiri týraly dáris oqydy.

Atalmysh medrese-kolledjdiń dırektory Talǵat Ásembaı oqý ornynyń jumysy týraly baıandap, oqý ordasynyń materııaldyq-tehnıkalyq bazasymen tanystyrdy.

Jalpy, medrese-kolledjde memlekettik úlgide «Islam negiziniń muǵalimi», «Imam hatıb» biliktili beriledi. Búginde 315 stýdent bilim alýda. Onyń  211 ul, 104 qyz bala. Stýdentterge úsh mezgil tamaq, jataqhana, sport zal, dárigerlik bólme, kitaphana t.b. jaǵdaılar qarastylǵan. Maman daıarlaý boıynsha oblystyq bıýdjet esebinen 175 shákirtke arnaıy grant bólingen.