Naıb múftı Naýryzbaı Taǵanuly respýblıkalyq konferentsııaǵa qatysty (FOTO)

Búgin Á.Tájibaev atyndaǵy oblystyq ámbebap ǵylymı kitaphananyń konferents zalynda «Zaıyrlylyq – qoǵamdyq kelisim kepili» taqyrybynda respýblıkalyq ǵylymı-tájirıbelik konferentsııa ótti.

Konferentsııaǵa QMDB-nyń Birinshi tóraǵa orynbasary, naıb múftı N.Taǵanuly, «Nur-Múbarak» EIMÝ prorektory, PhD Q.Qurmanbaev, QMDB-nyń Qyzylorda oblysy boıynsha ókili B.Ulasqanuly, qalalyq jáne aýdandyq meshit ımamdary, oblystyq ishki saıasat basqarmasynyń basshysy T.Mahanov pen basqarma qyzmetkerleri, oblystyq «Din máselelerin zertteý ortalyǵy» KMM-niń dırektory B.Kamalov, ATT músheleri, oblystyq ardagerler keńesiniń tóraǵasy S.Dúısenbaev, Qoja Ahmet Iassaýı atyndaǵy halyqaralyq qazaq-túrik ýnıversıtetiniń dotsenti S.Orazbaı, psıhologııa ǵ.k. A.Aıaǵanova, «Qoǵamdyq kelisim» KMM-niń dırektory, tarıh ǵ.k. Ý.Ibraev, fılosofııa ǵ.d. B.Qojamberlıev, sonymen qatar ýchaskalyq jáne ıývenaldyq polıtseıler, «Zaıyrlylyq jáne dintaný» páni muǵalimderi, BAQ ókilderi qatysyp, taqyryp aıasynda qoǵamdaǵy ózekti máselelerdiń túıinin jan-jaqty zertteý arqyly olardy tıimdi sheshý joldaryn talqylady.

Májilisite naıb múftı Naýryzbaı qajy Taǵanuly óziniń «Islamdaǵy toleranttylyqtyń roli men mańyzy» taqyrybynda baıandamasynda toleranttylyqtyń ozyq úlgisi bola bilgen Paıǵambarymyzdyń ónegisi men ómir-saltyn alǵa tartsa, ǵalym Q.Qurmanbaev «Jastarǵa dinı bilim berýdegi Otandyq oqý oryndarynyń áleýeti men mańyzy» taqyrybynda baıandama jasap, dinı bilim berý salasyndaǵy ózekti máselelerdi qozǵady.

Tájirıbe almasý maqsatynda ótkizilgen respýblıkalyq konferentsııa sońynda suraqtarǵa jaýap berilip, ózara pikir almasty.