Naıb múftı «Ánet baba» meshitiniń jamaǵatymen júzdesti (FOTO)

Qazaqstan Musylmandary Dinı Basqarmasy tóraǵasynyń birinshi orynbasary, naıb múftı Naýryzbaı qajy Taǵanuly Qaraǵandy oblystyq «Ánet baba» meshiti jamaǵatymen kezdesip, sált-dástúrimiz jaıly juma ýaǵyzyn júrgizdi.

Sondaı-aq, meshitke kelgen jurtshylyqty Ulystyń uly kúni Naýryz meıramymen quttyqtap, izgi tilegin jetkizdi. Ulttyq ádet-ǵurpymyzdyń ıslam dinimizben ózara sabaqtastyǵy jáne ulttyq qundylyqtarymyzdyń ózindik ornyn túsindirdi. Ata babalarymyz aqyly men sanasyn, túsinigi men talǵamyn Islam dinimen súıemeldegenin, sonyń arqasynda qazaqtyń árbir ádeti men ǵurpy, salty men dástúri tikeleı dinmen baılanysyp, ózara ajyramastaı órile túskenin tilge tıek etti.

Oblystyq «Ánet baba» meshitiniń bas ımamy Ómirzaq Bekqoja meshit qyzmetkerleri men kópshilik jamaǵat atynan naıb múftıge alǵysyn bildirdi.