«MUNARA» TELEARNASYNYŃ DIREKTORY ELORDA IMAMDARYMEN KEZDESÝ ÓTKIZDI (FOTO)

Astana qalasyndaǵy «Sádýaqas Ǵylmanı» meshitinde ótken Elorda ımamdarynyń jalpy jınalysynan soń Dinı basqarmanyń tól telearnasy «Munara TV» dırektory Erkin Shákirulymen kezdesý ótti. Jaqynda ǵana telearna basshysy bolyp taǵaıyndalǵan Erkin Shákiruly elordalyq ımamdarǵa jumys baǵytyn baıandap, josparlarymen bólisti.

Sondaı-aq, áleýmettik jeli men medıa salasyndaǵy jańalyqtarmen tanystyryp, vıdeo dárister men ýaǵyz barysynda eskeretin jaıttardy baıandap shyqty.

Kezdesý sońynda Elorda ımamdary telearna basshysyna túrli saýaldar qoıyp, tushymdy jaýapqa qanyqty. Aǵalyq aq tilekterin aıtyp, «Munara TV» telearnasynyń damýy úshin duǵa jasady.