MÚFTIIaT MEREITOIYNA ARNALǴAN FOTOKÓRME (FOTO)

Astanadaǵy Respýblıkalyq bas meshitte ótken aýyzashar kezinde Qazaqstan musylmandary dinı basqarmasynyń 35 jyldyǵyna arnalǵan «Din men dáýir» fotokórmesi usynyldy.

Fotokórmege qazaqtyń din isi Orynbor musylmandary dinı basqarmasy (1789-1868), Ýfa dinı basqarmasy (1917-1920), Ortalyq musylmandar dinı basqarmasy (1920-1936), Orta Azııa jáne Qazaqstan musylmandary dinı basqarmasyna (1943-1990) qaraǵan kezdegi, sondaı-aq Qazaqstan musylmandary dinı basqarmasynyń tynys-tirshiligine qatysty fotosýretter qoıyldy.

Sonymen qatar fotokórmeden Alashtyń alǵashqy qazılary Ǵumar Qarash (1917-1918 jyldary) pen Maǵdı qajy Maqululy (1923-1936 jyldary) jáne Orta Azııa men Qazaqstan musylmandary dinı basqarmasy kezindegi Qazaqstan qazılary Ábdiǵappar Shamsýtdınov (1943-1952 jyldar), Sádýaqas qajy Ǵylmanı (1952-1972 jyldar), Jaqııa qajy Beısenbaıuly (1972-1979 jyldar), Rátbek qajy Nysanbaıulynyń (1979-1900 jyldar) sýretterin, sondaı-aq 1990 jyly derbes múftılik bolǵan Qazaqstan musylmandary dinı basqarmasynyń burynǵy múftıleri Rátbek qajy Nysanbaıuly
(1990-2000 jyldar), Ábsattar qajy Derbisáli (2000-2013 jyldar), Erjan qajy Malǵajyuly (2013-2017 jyldar), Serikbaı qajy Oraz (2017-2020 jyldar) jáne qazirgi Bas múftı Naýryzbaı qajy Taǵanulynyń múftııat jumysyna qatysty fotosýretterin tamashalaýǵa bolady.

Fotokórme Respýblıkalyq bas meshitte, Ramazan aıynyń sońyna deıin jalǵasady. 

​