Mınıstr: jastar sanasyna myqty ımmýnıtet qalyptastyrý mańyzdy (FOTO)

Búgin Elordada Qazaqstan jáne Reseı musylmandary dinı basqarmalarynyń uıymdastyrýymen bastalǵan «Rýhanı Jibek joly. Islam jáne jastar: qazirgi zaman syn-qaterleri» atty IV Halyqaralyq ǵylymı-dinı konferentsııaǵa qatysqan QR Aqparat jáne qoǵamdyq damý mınıstri Dáýren Abaev jastardyń sanasyna jat aǵymdarǵa qarsy myqty ımmýnıtet qalyptastyrý mańyzdy ekenin atap ótti.  

«Radıkalızmge adamdar qandaı sebep boıynsha burylyp ketetinin anyqtaý qajet. Oǵan jekelegen adamdardy gýmanıstik, ıntellektýaldyq, mádenı jaǵdaılar da ıtermeleýi múmkin. Sondyqtan da zamanaýı zaıyrly memlekettiń din ókilderi aımaqtardaǵy dástúrge mán berip, mádenı baǵyttaǵy, ǵylym men bilim salasyndaǵy artyqshylyqtardy eskerýi tıis dep oılaımyn.

Biz jas urpaqtyń dúnıetanymyn durys qalyptastyrýymyz kerek. Qazirgi jastar óz pikirlerin ashyq aıta alady. Olar básekege qabiletti, bilimge qushtar. Eń bastysy olardyń sanasyna jat aǵymdarǵa qarsy myqty ımmýnıtet qalyptastyrý mańyzdy», – dedi Dáýren Áskerbekuly.