MEShITTEGI ShAShTARAZ  MÚGEDEKTIGI BAR JANDARǴA TEGIN QYZMET KÓRSETEDI (FOTO)

«Áziret Sultan» meshitinde ornalasqan shashtaraz ortalyǵy múgedektigi bar jandarǵa tegin qyzmet kórsetý aktsııasyn ótkizip keledi.  

«Erekshe» jandarǵa arnalǵan mundaı qyzmet aıyna bir ret, ár aıdyń 1-i kúni kórsetiledi.  Óz isteriniń sheberi atanǵan Nurjanat Danııarov men Aıbek Jumaǵýl Allanyń berip jatqan nyǵmetterine shúkirshilik aıtýymyz kerek deıdi. «Qazaq «Keń bolsań, kem bolmaısyń» deıdi emes pe, Allanyń bergen rızyǵyn, nyǵmetin qyzǵanbaı, keń bola bilseń, jasap jatqan jalpy jumysyń da berekeli bolady» deıdi shashtaraz Nurjanat Danııarov.

Aıta keteıik, 6 jyldan beri qyzmet atqaryp kele jatqan shashtaraz ortalyǵy ózderiniń qyzmetine júgingen kelýshilerdiń arasynda júldeler uıymdastyryp turady. Máselen, osydan birneshe jyl buryn tutynýshylar arasynan kezdeısoq ádispen tańdaý arqyly bir adamdy kishi qajylyqqa jibergen bolatyn.

Источник: Aidos