Meshit janynan «Nurly júrek» áıelder damý ortalyǵy ashyldy (FOTO)

El astanasyndaǵy «Yryskeldi qajy» meshitinde «Nurly júrek» áıelder damý ortalyǵy ashylyp, ótken aptada óz jumysyn bastady. Meshittegi dinı saýat ashý kýrsyna qatysatyn shákirt qyz-kelinshekterdiń ózara dostyǵyn arttyryp, bilim almasyp, bir-birine qoldaý kórsetý maqsatynda ashylǵan ortalyqtyń ashylýy saltanatty sharaǵa ulasyp, rýhanı keshke aınaldy.

Shara shymyldyǵyn «Yryskeldi qajy» meshitiniń bas ımamy Iahııa qajy Ismaılov qasıetti Quran aıattarymen ashyp, aq batasyn arnady. Áıel jamaǵatyn búgingi qýanyshty oqıǵamen quttyqtap, jumystaryna sáttilik tiledi.

Atalmysh sharaǵa Nur-Sultan ókildiginiń basqa da áıel ustazdary arnaıy qatysyp, qýanyshpen bólisip qaıtty.