MEShIT ShÁKIRTTERI ǴARYShKERMEN KEZDESTI (FOTO)

Búgin Astanadaǵy «Áziret Sultan» meshitinde «Imanı jaz» jazǵy saýat ashý kýrsynyń shákirtteri «Qazaqstan Ǵarysh Sapary» ortalyǵynyń basshysy, ǵaryshker Aıdyn Aıymbetovtyń orynbasary, ǵarysh salasynda birneshe kompanııanyń baqylaýshysy, kóptegen jobalardyń jetekshisi Rýstam Abdrahmanovpen kezdesti. Arnaıy shaqyrylǵan qonaq ǵarysh álemi týraly qyzyqty aqparattarmen bólisip, balalardyń suraqtaryna jaýap berdi. Suhbat formatynda ótken kezdesýde Astana qalasynyń jáne «Áziret Sultan» meshitiniń bas ımamy Erbolat Júsipov ǵaryshkerge alǵys bildirip, eńbegine tabys tiledi.

Jıyn barysynda balalarǵa ǵarysh álemi týrly beınerolıkter kórsetilip, globýs, teleskop qurylǵylary tanystyryldy. Sondaı-aq, shákirtter meshit ustazdarynyń  jer shary, aspan álemi týraly qoıǵan suraqtaryna talasa jaýap berdi. Meshit  ustazy, azanshy Qaınar Bazarqanuly ǵarysh týraly aıtylǵan Quran aıattaryn oqyp, jıyndy támamdady.