MEShIT ShÁKIRTTERI BELGILI QARIMEN JÚZDESTI (FOTO)

Búgin el astanasy Nur-Sultan qalasyndaǵy «Yryskeldi qajy» meshitiniń shákirtteri elimizge belgili qarı, jaqynda ashylǵan Respýblıkalyq Bas meshitte ustazdyq qyzmetke kirisken Murtaza Ertaıulymen kezdesý ótkizip, Quran bilgiriniń qundy aqyl-keńesterine qanyǵyp qaıtty.

Quran álippesinen sabaq berip, ustazdyq etip júrgen «Yryskeldi qajy» meshitiniń moldasy Hakımuly Eskendir shákirtteriniń talap-jigerin arttyra túsý úshin osy kezdesýdi arnaıy uıymdastyrǵan eken. Jastaıynan túrli Quran baıqaýlarynda top jaryp, elimizdiń atyn ózge memleketterge tanytyp júrgen Murtaza qarımen júzdesý, onyń qysqasha sheberlik saǵaty – shákirtter úshin, shynymen de, rýhanı olja boldy. Kezdesý sońynda jastyǵyna qaramastan shákirtter qaýymy Murtaza qarıdan bata surap, rızashylyqtaryn bildirdi.

Источник: Aidos