Meshit ımamy tikeleı Efırde suraqtarǵa jaýap berdi (FOTO)
Respýblıkalyq «Áziret Sultan» meshitiniń naıb ımamy Baqytjan Ótkelbaev QMDB Dinı aqparat berý ortalyǵynda otbasy taqyrybyndaǵy saýaldarǵa jaýap berdi.
«Otbasy» aptalyǵyna oraı @muftiyatkz ınstaparaqshasynda uıymdastyrylǵan «Call ortalyqtaǵy suraq-jaýap» tikeleı Efırinde meshit ımamy baqytty otbasynyń qupııasyn, bala tárbıesinde mán berilýi tıis jaıttar men januıadaǵy jaıly atmosfera qalyptastyrýdyń negizgi Elementterin atap ótti.
«Ózimizdiń jıyrma jyldyq otbasylyq tájirıbemiz bolsa da, áli kúnge izdenemiz. Otbasylyq qarym-qatynasty túzý ustaý, syılastyqty saqtap qalý men balaǵa durys tárbıe berýde osy salany zerttegen ǵalymdardyń kitaptary kómekshi bolady. Úılenýge bekingen árbir qyz ben jigit otbasyn qurýdaǵy maqsatyn jáne úı bolýǵa, ómir boıy janynda bolatyn jubaıymen baılanysyn nyǵaıtý úshin ne daıyndaǵanyna mán berýi kerek. Eshqandaı daıyndyqsyz neke qıyp, úılengen bolsa, qarýsyz maıdanǵa kirip ketken adamdaı onyń da sharasyz kúıge túsiýi múmkin. Sebebi ómir tek biryńǵaı qýanysh pen jaqsylyqtardan turmaıdy. Aq pen qara almasqan ómirde dám-tuzy jaraspaı ajyrasyp jatqandardyń otbasylyq irgetasy o basta durys qalanbaǵan», – deıdi B.Ótkelbaev.
«Áziret Sultan» meshitiniń naıb ımamy kórermender men Sall ortalyqqa (8 7172 33 30 30) habarlasýshylardyń otbasylyq máselelerge qatysty suraqtaryna tushymdy jaýap berip, paıdaly keńesterin bólisti.
