Memleket basshysy Islam damý banki tobynyń prezıdentimen kezdesti

Qasym-Jomart Toqaev Islam damý banki tobynyń «Astana» halyqaralyq qarjy ortalyǵyn Basqarý jónindegi keńestiń otyrysyna qatysýy jáne Bandar Hadjardyń Keńes múshesi laýazymyna taǵaıyndalýy Qazaqstandaǵy ıslamdyq qarjylyq qyzmetti damytýǵa eleýli úles qosatynyna senim bildirdi.

– Qazaqstannyń Tuńǵysh Prezıdenti men Úkimeti ıslamdyq qarjylandyrýdy damytýǵa zor kóńil bólip otyr. Bizde ıslam banki men qarjy mekemeleriniń qyzmeti úshin barlyq jaǵdaı jasalǵan. Osy baǵyttyń tabysty bolatynyna senimdimin, – dedi Memleket basshysy.

Kezdesý barysynda taraptar «Astana» halyqaralyq qarjy ortalyǵynyń jumysyna Islam damý bankiniń qatysý máselesi, sonyń ishinde basqa da ıslamdyq qarjy ınstıtýttaryn tartý, «Astana» halyqaralyq qarjy ortalyǵynyń bazasynda IDB qurylymdaryn ornalastyrý, osy ortalyqtyń bırjasynda ıslam oblıgatsııalaryn shyǵarý jóninde pikir almasty.